ବଜେଟ କୁ ନେଇ ବିଜେପିକୁ ଟାର୍ଗେଟ କରିଛନ୍ତି ବିରୋଧୀ ଦଳ ନେତା ନବୀନ ପଟ୍ଟନାୟକ

() ପୂର୍ବତନ ମୁଖ୍ୟମନ୍ତ୍ରୀ ତଥା ବିରୋଧୀ ଦଳ ନେତା ନବୀନ ପଟ୍ଟନାୟକ  ବଜେଟ ଆଲୋଚନା ସମୟରେ ବିଜେପି ସରକାରକୁ କଡା ଭାଷାରେ ଟାର୍ଗେଟ କରିଛନ୍ତି ନବୀନ ପଟ୍ଟନାୟକ କହୁଛନ୍ତି ନୂଆ ସରକାରଙ୍କୁ ଶୁଭେଚ୍ଛା। ଧନ୍ୟବାଦ 80%ରୁ ଅଧିକ ବିଜେଡି ସରକାରର ଯୋଜନା ଆପଣେଇଛନ୍ତି। ବଜେଟରେ ପରିବର୍ତ୍ତନ ଦେଖୁଛି, ଯେପରି ନାଁ ପରିବର୍ତନ ହୋଇଛି ଏହା ଗେମ ଚେଞ୍ଜର ନୁହେଁ ନେମ ଚେଞ୍ଜର। ଏହି ଯୋଜନା ଗୁଡିକର ରୂପରେଖ ବିଜେଡି ପ୍ରସ୍ତୁତ କରିଥିଲା। ବାକି 20% ସରକାର ପ୍ରତିଶୃତି ଉପରେ କହୁଛନ୍ତି। 0.29% ଇସ୍ତାହାର ପ୍ରତିଶୃତି ଦିଆଯାଇଛି ସୁଭଦ୍ରା ଜରିଆରେ। 2 କୋଟିରୁ ଅଧିକ ମହିଳା ଅଛନ୍ତି, ଏହା ପୂରଣ କରିବାକୁ 1 ଲକ୍ଷ କୋଟି ଦରକାର। ହେଲେ 10 ହଜାର କୋଟି ବଜେଟରେ ଅଛି, ଯାହା କେବଳ 10 ପ୍ରତିଶତ ମହିଳାଙ୍କୁ ସୁବିଧା ଦେବ। ବାକି ମହିଳାଙ୍କର କଣ ହେବ ବୋଲି ପ୍ରଶ୍ନ କଲେ ନବୀନ। 80 ବର୍ଷରୁ ଅଧିକ ଲୋକ ପାଇବେ ବର୍ଦ୍ଧିତ ପେନସନ। ହେଲେ 60ରୁ 80 ବର୍ଷର ଲୋକଙ୍କ କଣ ହେବ ? ଏଥିପାଇଁ 21000 କୋଟି ଦରକାର | MSP 3100 କୁହାଯାଇଥିଲା, ବଜେଟରେ ଯାହା ବ୍ୟବସ୍ଥା ହୋଇଛି ତାହା 30% ଚାଷୀ ଙ୍କ ପାଇଁ ପର୍ଯ୍ୟାପ୍ତ ନୂହେଁ। ବାକି ଚାଷୀଙ୍କ କଣ ହେବ ? ମାଗଣା ବିଦ୍ୟୁତ କେମିତି ଦେବେ ସରକାର ? ମୁଁ ଚ୍ୟାଲେଞ୍ଜ ଦେଉଛି ଯେ ଆଗାମୀ 5 ବର୍ଷରେ ବିଜେପି 5% ଘରକୁ ଵି ମାଗଣା ଦେଇ ପାରିବ ନାହିଁ। ଲୋକେ ଜୁଲାଇରୁ ମାଗଣା ବିଲ ଅପେକ୍ଷାରେ ଅଛନ୍ତି। ଆପଣ ଲୋକଙ୍କୁ ଠକିଛନ୍ତି। 25 ଲକ୍ଷ ଲକ୍ଷପତି ଦିଦି କଥା କୁହାଗଲା ଏଥିପାଇଁ 20ହଜାର କୋଟି ବଜେଟ ଦରକାର ଏହା ହୋଇ ପାରିବ ନାହିଁ। ଆପଣଂକ ଦଳ ଜୁମଲା ପାର୍ଟି ଭାବେ ପ୍ରସିଦ୍ଧ। ପ୍ରତିଶୃତି ପାଳନ ନ କଲେ, ଲୋକେ ଆଶା ହରାଇବେ, ପ୍ରାର୍ଥନା କରୁଛି ଯେ ଲୋକେ ନ ଭାବନ୍ତୁ ଯେ ମିଛ କହି ଆପଣ ଜିତିଛନ୍ତି।